chara ngaga enggau nisih karang. DOCX

Title	chara ngaga enggau nisih karang.
Author	Meyjuhee Umey
Pages	17
File Size	61.3 KB
File Type	DOCX
Total Downloads	42
Total Views	108

Summary

Description

Marjory Cindy anak Langit D20131064292 Margeret anak Polin D20131064287 1.0 Bansa Enggau Tukuh Karang. Dalam peresa PMR enggau SPM, nembiak ke bisi ngambi peresa ba mata pelajar Jaku Iban deka diberi empat tauka lima iti topik karang bepanggaika ba tikas peresa ti udah dikemendarka. Nyadi raban tanya ti dikeluarka tu deka bebida ninting taun. Taja pia, semua tanya karang ke deka disaut bala nembiak ke ngambi Jaku Iban nya deka nyerangkung dua puluh bansa karang ti udah dipelajarka dalam kelas. Lebuh peresa, nembiak deka milih siti topik ari tanya ke diberi dalam kertas. Topik ti deka dibantaika dalam keempat-empat tanya nya nyengkaum dua puluh bansa karang nya tadi ti tau dibagi ngagai karang beformat enggau enda beformat. Ba senentang karang beformat tu, iya bisi nyengkaum 11 bansa karang. Ambika chunto iya nya: 1 Jaku ba mua bala mayuh ( ucapan ) 6 Surat Pekirim rama (Surat enda rasmi) 2 Licha ( ceramah ) 7 Debat (bekelikuh) 3 Pidato 8 Randau 4 Ripot 9 Interbiu 5 Surat Perintah (surat rasmi) 10 Diari Karang enda beformat bisi nyengkaum 10 bansa karang. Ambika chunto: 1 Pemandang 6 Karang jurai (perbincangan) 2 Karang Kreatif (Cherita) 7 Sempama 3 Runding diri 8 Jaku Sulu 4 Karang kenang 9 Artikel (Rencana) 5 Fakta 1 0 Biografi 2.0 Ajar sereta Lalau Nulis Karang. Pengelandik sereta penyikar dalam ngarang ukai semina bepanggai ba pengulih nusun isi tauka fakta dalam buah runding, tang deka nemu nguna batang runding ti deka dikenataika dalam karang. Enda semua buah runding ti deka dikenataika ngena enggau topik karang ti deka di gaga. Nya alai, nembiak patut ngarintaika buah runding lalu mandingka iya enggau topik karang ti deka digaga. Tiap iti isi ti bisi besangkut enggau karang, dia nembiak deka masuk ka iya nyadika ayat topik. Nembiak deka pintar sereta nemu bagi isi ti releven sereta ke engkeman ti deka dikenataika dalam karang. Enti nyema nembiak masuk ka buah runding iya enda nitihka utai ti dikedeka ka topik karang, dia karang nya tadi lalu deka tepawah sereta keluar ari topik ti patut. 1...