IMPLUWENSYA NG PANONOOD NG MGA TELESERYE SA MGA INDIBIDWAL PDF

Preview

Summary

IMPLUWENSYA NG PANONOOD NG MGA TELESERYE SA MGA INDIBIDWAL Ipinasa nina: Louise Nicole Perez Yreah Nicole Tabong Neve Nineveeh Velasquez BSY13 Ipinasa kay: Bb. Irene V. Gonzaga FILI102d 2016 INTRODUKSYON Hindi maitatangging malaki ang porsyento ng mga kabahayang may telebisyon, kung kaya naman patul...

Description

Accelerat ing t he world's research.

IMPLUWENSYA NG PANONOOD NG MGA TELESERYE SA MGA INDIBIDWAL Neve Velasquez

Related papers

Download a PDF Pack of t he best relat ed papers 

IMPLUWENSYA NG PANONOOD NG MGA TELESERYE SA MGA INDIBIDWAL

Ipinasa nina: Louise Nicole Perez Yreah Nicole Tabong Neve Nineveeh Velasquez BSY13

Ipinasa kay: Bb. Irene V. Gonzaga FILI102d

2016

INTRODUKSYON

Hindi maitatangging malaki ang porsyento ng mga kabahayang may telebisyon, kung kaya naman patuloy ang marami sa pagtangkilik at pagkahuhumaling sa mga teleserye. Ang panonood ng teleserye ay tila naging parte na nga ng pang araw-araw na pamumuhay. Dahil nga sa pagkaaliw sa mga teleserye ay hindi na napapansin na ang mahabang oras na nilalaan para dito ay unti-unting nakakaimpluwensya sa mga indibidwal. Napili ang paksang ito sapagkat ang panonood ng telebisyon ay parte na ng pamumuhay ng marami, ito rin ay nakakabahagi sa pagkatao ng isang indibidwal, kung kaya’t nais ng mga mananaliksik na magkaroon ng mas malawak na pag-unawa sa teleserye at upang magkaroon ng kaalaman sa mga magaganda at hindi magandang impluwensya na dulot ng panonood nito. Ang mga kaalaman na makakalap sa pananaliksik na ito ay maaring magsilbing kamulatan sa maraming indibidwal. Ang pananaliksik na ito ay nakatuon lamang sa impluwensya na nakukuha ng mga manunood sa mga teleserye at kung anu-ano ang mga dahilan ng patuloy na pagtangkilik nito. Saklaw din ng pag-aaral na ito ang mga paraan upang maiwasan ang mga hindi magagandang dulot ng mga teleserye.

A. Kaligiran ng pag-aaral at literatura Ayon kina Barrie Gunter at Jill McAleer (2005), maraming mga mananaliksik ang naghahayag ng mga gamit at kasiyahan na naibibigay ng midya. Ang midya ay nakakapagbigay kaalaman, kapahingahan at iba pa. Ang mga pangangailangan na ito ang nagtutulak

na maghanap

ng midya

na

makakapagbigay ng

gusto

at

pangangailangan bilang isang indibidwal. May isang sarbey na isinagawa ni Bradley Greenberg kung saan ang mga dahilan daw kung bakit nanonood ang mga bata na may edad na 9, 12, at 15 ng telebisyon ay dahil ito ay nagsisilbing pampalipas oras, libangan, ginagamit upang matuto ng mga bagay bagay, magkaroon ng kaalaman patungkol sa sarili, upang makapagpahinga, bilang isang kasama, at dahil ito ay isa ng kagawian. Ang telebisyon ay nakakapagbigay ng kaalaman gaya na lamang sa mga dramatikong paglalarawan at ang mga kwento na naghahatid sa mga manunood ng kaalaman patungkol sa kung paano makitungo sa mga tao, paano masolusyunan ang mga problemang personal o pampamilya, at mga alitan. Ang telebisyon ay nagbibigay din ng kaalaman sa pagkakaibigan. Hindi lamang napapabuti ng telebisyon ang kaalaman ng isang tao, kundi ito rin ay nagbibigay impormasyon sa mga nangyayari sa paligid. Ang telebisyon din ay pangunahing pinagmumulan ng social learning. Ayon sa isang teorya na ang karahasan sa telebisyon ay maaring maging dahilan ng pagkakaroon ng agresibong ugali ng manunood ay napatunayan at sinasabing ang mga nakikita ng mga manunuod sa telebisyon ay maaring mag-aktiba ng ideya at kaisipan patungkol sa karahasan. Ang telebisyon ay ginagamit din bilang paraan upang makatakas sa realidad ng ibang manonod. Halimbawa na lamang ang isang bata na nakararanas ng mahigpit na pagdidisiplina ng mga magulang ay nanunuod ng

telebisyon upang may ibang pagkaabalahan at mawala sa isipan ang hindi kaaya-ayang atmospera sa loob ng tahanan. Sa kabilang banda, may positibo rin naman na dulot ang telebisyon, gaya na lamang na maari itong maging dahilan upang magkasama sama

ang

buong

pamilya

at

sabay-sabay

na

manunuod

sapagkat

ito

ay

nakakapagbigay aliw at katuwaan. Sinabi ni Wilbur Schramm (1961) na karamihan sa mga kabataan ay natutuwang manood ng telebisyon dahil ang panonood ay nakakapag bigay aliw at nakaka tanggal ng pagod at mga suliranin, ngunit para naman sa ibang kabataan, ang panonood ng telebisyon ay nagbibigay ng kalituhan dahil nagiging dahilan upang mahirapan sa paghiihiwalay ng realidad sa pinapanood. May isang dahilan ukol sa relasyon ng bata sa pinapanood na mas importante pa sa ibang salik na nagpapakita ng epekto ng panonood ng telebisyon. Ito ay ang koneksyon o kaugnayan sa pagkatao o pag-uugali ng karakter na napapanood ng mga bata na nagiging dahilan kung bakit mas nahihikayat ang mga kabataan na manood. Ang telebisyon ay may malaking gampanin sa pagkatuto ng isang indibidwal lalo na sa mga kabataan. Nagiging dahilan din ang telebisyon sa pagkatuto ng isang indibidwal ng mga hindi magagandang pag-uugali kagaya na lamang ng pagiging bayolente dahil sa mga palabas na napapanood na may ganitong tema. Isa sa pinaka mahalagang paksa sa pagaaral ng epekto ng telebisyon ay ang kaugnayan ng karanasan sa panonood ng isang indibidwal sa mental health dahil nakaka apekto din ang panonood ng telebisyon hindi lamang sa pag-iisip o pananaw ng isang indibidwal ngunit pati na rin sa pag-uugali. May mga pag-aaral na nagsasabing isa ang panonood ng telebisyon o pelikula ay nagdudulot ng sakit sa pagiisip ng isang indibidwal o ang tinatawag na mental illness. Gayunpaman may mga

naidudulot ding kabutihan ang panonood ng telebisyon sa mga indibidwal kung saan mas pinipili ng maraming kabataan ang manatili sa loob ng mga tahanan upang manood kaysa ang lumabas na maaari pang maging dahilan ng kapahamakan. Nakatutulong din ang panonood ng telebisyon upang magkaroon ng mas magandang relasyon sa pamilya o kaibigan. Batay naman kay Spencer Rathus (2014), si Albert Bandura at ang mga kasamahan ay nag eksperimento tungkol sa observational learning, kung saan ang mga tao ay natututo sa pamamagitan ng pagoobserba sa mga ginagawa ng ibang tao. Ang observational learning ay nagaganap habang pinapanood ng mga anak ang mga magulang na magluto o maglinis. Ito rin ay nagaganap habang pinapanood ng mga estudyante ang guro kung paano sagutin ang mga tanong sa blackboard at marami pang iba. May parte sa katawan ng tao na awtomatikong nagtutulak upang gayahin ang kilos o pag-uugali ng ibang tao sapagkat mayroong tinatawag na mirror neurons na naguudyok sa isang indibiduwal na gawin o gayahin ang naobserbahan na kilos (Gakkese et al., 1996). Ang mirror neurons din ang dahilan kung bakit ang isang tao ay humihikab kapag ang mga tao na nasa paligid ay humihikab din, ito rin and dahilan kung bakit ang pagtawa ay nakakahawa. Mula sa pananaliksik ni Ma. Rita R. Aranda (2014), ang telebisyon ay isang mahalagang uri ng libangan na may malaking impluwensya sa lahat ng tao. Ito ay may mahalagang gampanin sa paghubog ng kamalayan ng tao at kung paano niya tinitingnan at hinuhugis ang mundo. Ang mahabang oras na inilalaan sa panonood ay nagdudulot ng positibo at negatibong epekto sa pag-iisip at pag-uugali ng manunood. Maraming programa ang maaaring panoorin ngunit ang pinakapopular na programang

madalas panoorin ay ang mga teleserye. Maraming Pilipino ang nanunood ng mga teleserye lalo na sa hapon at gabi at kadalasan mga babae, kabataan, nanay at nagtatrabaho sa loob ng bahay ang tumatangkilik dito. Ang panonood ng soap opera ay nakaiimpluwensya nang malaki sa pagbabago ng pananaw at pag-uugali ng mga manunood tungkol sa kasalukuyang konsepto ng pamilya. Sa maraming pagkakataon ay naiimpluwensyahan nito ang paraan ng pagdadala ng pamilya, pagdidisiplina sa mga anak at pagdedesisyon sa loob ng tahanan. Maaaring makuha at magaya ng manunood ang ugali at pananaw ng mga tauhan nang hindi sinasadya, dahil dito, maaari siyang kontrolin at diktahan ng mga tauhan ng teleserye. Napatunayang naimpluwensyahan ng teleserye ang pananaw at pag-uugali ng mga manunood lalo na sa paglutas sa mga suliraning pampamilya. Ang mga napapanood sa teleserye ay ginagawang batayan at gabay sa paggawa ng desisyon sa loob ng pamilya. Higit sa lahat, ito ay nagbibigay ng impormasyon at patern kung paano nilulutas ang mga problemang pampamilya at natutulungan ang mga manunood na magkaroon ng positibong pagtingin sa pamilya sa kabila ng mga problemang nararanasan ng bawat miyembro nito. Ang pag-aaral nina Rizza Salado et al. (2014) ay nagsasaad na tunay ngang napakalaki ng epekto ng mga teleserye sa buhay ng mga tao lalong higit dahil halos lahat ay nakapapanood ng mga ito na umaabot na ang epekto nito sa paraan ng pagiisip at paggawa ng mga desisyon sa buhay ng mga kabataan sa kasalukuyan. Ang pagkahumaling sa mga teleserye ay nagkaroon ng epekto sa aspetong moral man o pisikal ng mga kabataan at ang pinaka-hindi kaaya-ayang epekto nito ay nagiging balakid na sa pag-aaral.

Dati ay iniisip na ang simpleng pagsubaybay sa mga

teleseryeng may temang pagkasira ng pamilya o pagsasama ng mag-asawa ay wala

namang nagiging epekto ngunit natuklasan ng pag-aaral na ito na mayroon pala itong napakalaking epekto lalong higit sa mga kabataang manunood. Naaapektuhan nito hindi lamang ang mga simpleng bagay tungkol sa mga kabataan kundi pati narin ang isipan at damdamin sa malalim na paraan. Maging ang mga prinsipyo o paniniwala sa buhay ay talaga namang naaapektuhan ng mga napapanood na teleseryeng may temang hindi naaangkop sa edad ng mga kabataan at ang pagkawala ng konsentrasyon at pokus ay nagiging balakid sa pag-aaral. Sa tesis ni Arbert B. Lachita (2014) sinasaad na di na bago ngayon sa karamihan partikyular na sa mga Pilipino ang pagkahumaling sa ibat-ibang teleserye na pinalalabas sa ibat-ibang istasyon ng telebisyon. Di na rin iba na ang buhay ay maihahalintulad sa isang teleserye, may komedya, minsan aksyon, minsan din naman ay katatakutan at kadalasan ay drama. Isa sa mga dahilan ng mga mag-aaral kung bakit tinatangkilik ang mga teleserye sapagkat ito ay nakapagbibigay ng magandang aral sa bawat isa, may nagsabi din na nagdudulot ito ng aliw at kasiyahan kung kayat hindi maitatangi na ang teleserye ay naging isang daan upang magkasama-sama ang bawat miyembro ng pamilya. Isa sa positibong epekto ng panonuod ng teleserye sa mga mag-aaral ay ang pagpapayabong ng emosyon. Naging mas malinaw din sa ilang mag- aaral na gumawa ng kabutihan kaysa sa masama. Ngunit sa kabilang banda, isang nakitang negatibong epekto nito ay nagkaroon ng ugaling pagkainis ang magaaral. Karamihan ay nanunood ng teleserye na kung saan ang bawat isa ay may dahilan kung bakit nanonood nito. Ang telebisyon ay gumaganap bilang pangunahing tagapagkuwento, tagapagalaga ng bata at tagapag-impluwensiya sa opinyon ng publiko. Ayon sa isang ulat na

tinipon ng isang grupong bantay-media sa Estados Unidos tungkol sa krimen at karahasan sa telebisyon, ipinakikita ng maraming daan-daang pananaliksik na ang panonood ng mararahas na eksena ay may negatibong impluwensiya sa pagkatuto, kapusukan at empatiya ng mga bata. Ipinahayag ng American Medical Association na ang karahasan sa telebisyon ay isang panganib na nagbabanta sa kalusugan ng mga kabataan. Ang ulat ay nagtatala ng ilang mungkahi na iniangkop mula sa mga rekomendasyon ng ilang organisasyon para sa pampublikong kalusugan, tungkol sa kung paano mas maingat na gagamitin ang telebisyon. Iminungkahi nito na planuhin at limitahan ang iyong panonood ng telebisyon Mahalagang maglagay ng mga limitasyon kung kailan makapanonood ang mga bata. Huwag maglagay ng telebisyon set sa mga kuwarto ng mga bata. Maglagay ng isang globo sa tabi ng telebisyon para matingnan ng mga bata ang mga lugar na nakikita sa mga programa. Importante rin na samahan ang mga bata sa panonood ng telebisyon upang maipaliwanag ang mga bagay na gaya ng pagkakaiba ng pantasya at ng realidad. Hindi ito laging napag-uunawa ng maraming bata na wala pang sampung taon. Ilayo ang telebisyon mula sa isang prominenteng lugar sa inyong bahay. Ilagay ang telebisyon set sa loob ng kabinet na may sarahan. Inilathala ni Tania Dworjan sa kanyang artikulo na sa murang edad ay nagkakaroon na ng impluwensya ang telebisyon sa mga bata at sa paghantong sa pagiging tinedyer ay kasabay nito ang potensyal na pagiging negatibong impluwensya naman ng telebisyon. Maraming hindi magaganda ang naipapalabas sa mga programa gaya na lamang ng karahasan, krimen, bangayan, paksa patungkol sa seks, bisyo gaya ng alak at sigarilyo, droga, at pagmumura. Ayon sa isang pag-aaral noong 2008, may koneksyon ang maagang pagbubuntis ng mga kabataan sa mga palabas na

nagpapakita ng seks. Ang mga kabataan na nanoouod ng mga palabas na may ganitong tema ay doble na mas may posibilidad na magkaroon ng anak sa edad na 16 kumpara sa mga hindi nanunuod ng mga palabas na may ganitong tema. Ang konklusyon ng pag-aaral na ito ay ang mga kabataan na nakakanood ng palabas na may kinalaman sa seks ay nag-aakala na isa lamang itong normal na gawain para sa lahat at wala naman itong kahihinatnang hindi maganda. Marami ding palabas ang naglalaman ng mga pangyayari kung saan may mga kabataan na wala pa sa tamang edad ay umiinom na ng alak. Inilalarawan ng mga palabas na ito ay isang astig o cool na gawain kung kaya naman maraming mga kabataan ang gumagawa na nito ngayon. Tunay ngang may negatibo at positibong epekto ang pagkakumaling sa iba’t ibang palabas. Ipinahayag ng mga eksperto na kapag ang mga kabataan ay nanunood ng masyadong mga bayolente na palabas ay may posibilidad na maging bayolente sa pamumuhay. Buhat dito, maaring ang mga kabataan ay maging mahilig makipag away o makipagsuntutkan. Ang mga kantang may mga sekswal na lyrico na napapanood at nakikita sa MTV ay masama rin dahil ang mga kabataan ay maaring mamulat kaagad sa seks at sinasabi na ang mga kabataan na nakakapanood ng ganito ay nakikipagtalik na kaagad dahil ito ay nakikita at naririnig sa mga lyrico ng kanta. Madali rin makaimpluwensya ang mga komersyal sa telebisyon lalo na ang mga komersyal na may mga mapapayat at seksi na modelo. Ang mga kabataan na nakapanonood nito ay nahuhumaling sa magandang katawan ng mga modelong ito, kung kaya naman ang ilang ang ay nagiging anorexic.

B. Depinisyon ng katawagan Binibigyan katuturan ang mga sumusunod na mga katawagan ayon sa paggamit nito sa pag-aaral at pananaliksik na ito upang mas lalong maging malinaw at maintindihan. Social learning – isang proseso kung saan ang isang indibiduwal ay natututo ng kilos at ugali sa pamamagitan ng paligid Observational learning – proseso kung saan may tumatayong modelo na napagkukuhanan ng pag-uugali na ginagaya naman ng manunuod Mirror neurons – uri ng neuron na nagiging dahilan ng pagtulad ng isang indibiduwal sa aksyon o kilos ng kapwa Telebisyon – isang uri ng media kung saan nakakapanuod ng iba’t ibang programa, particular na ang teleserye Teleserye – isang drama na may iba’t ibang uri ng dyanra, ito karaniwan ay hindi makatotohanan at kathang isip lamang

C. Kahalagahan ng pag-aaral Ang pananaliksik na ito ay inilalahad ang kahalagahan ng pag-aaral sa mga nabanggit na tao: Sa mga mahilig manuod ng mga teleserye, ito ay makakapagbigay kaalaman na may impluwensya na dulot ang mga teleserye. Bukod pa rito, upang mahikayat ang pagdidisiplina at paglimita sa kung ano ang pinapanuod.

Sa mga magulang. Ito ay makakapagmulat na mahalaga ang pag-gabay sa mga anak habang nanunood ng mga teleserye at nang malaman ang posibleng resulta ng panonood ng teleserye. Sa mga susunod na researcher. Ang pag-aaral na ito ay mahalaga sapagkat makakatulong ito sa inyong ginagawang pag-aaral at ito ay makakapagbigay dagdag impormasyon at kaalaman.

D. Layunin ng pag-aaral Ang pag-aaral na ito ay nagnanais na mabigyang kahulugan ang teleserye at malaman kung ano ang mga dahilan kung bakit marami ang tumatangkilik nito. Ang mga mananaliksik ay naglalayon na matuklasan ang mga impluwensya na dulot ng mga teleserye, masama man o mabuti, sa mga indibiduwal, at layunin din ng pag-aaral na ito na makapag-bigay alam tungkol sa kung paano maiiwasan ang mga masasamang impluwensya ng mga teleserye.

RESULTA NG PAG-AARAL

Ang paksa na ito na may pamagat na Impluwensya ng panonood ng mga teleserye sa mga indibiduwal ay may layunin na mabigyan ng kahulugan kung ano ang teleserye at kung bakit tinatangkilik ito. Malaman kung anu-ano ang mga impluwensya ng teleserye at ang huli ay mabatid ang mga paraan upang maiwasan ang hindi magagandang dulot ng mga teleserye. A. Mabigyan kahulugan ang teleserye at kung bakit tinatangkilik ito. Ayon sa nakalap na impormasyon, ang mga teleserye, na mas kilala bilang soap opera ilang dekada na ang nakakaraan ay nagsimula sa radyo. Isang opera na tanging mga boses lamang ang tampok at bumubuo ng isang istoryang sinusubaybayan, na kung tawaging nga'y radio drama. Karamihan sa mga sumusubaybay nito noon ay mga housewives, kaya naman nakagawian na habang naglalaba o gumagawa ng mga gawaing bahay ay nakikinig ng radyo. Di naglaon, ang mga operang ito sa radyo ay inihambing sa sabong pambahay. Sa kadahilanang madalas itong pakinggan sa mga tahanan. Kaya naman ang isang opera sa radyo ay tinawag nang isang Soap Opera. Hanggang nagsimulang ipinalaganap ang telebisyon dito sa Pilipinas noong 50's, at isinalin sa telebisyon ang duladulaan sa radio. Itinatanghal na ito ng mga tunay na karakter na gaganap sa telebisyon upang bumuo ng isang istorya na magiging isang soap opera. At dito ay nagismula ang paglaganap ng Soap Opera sa telebisyon na tinangkilik ng mga manunood at kasama ding inilunsad noong dekada 50 sa nagsisimula pa lamang na ABS-CBN.

Dekada 70 ay sumikat na ang mga soap opera sa telebisyon ng iba't ibang istasyon. Nagmarka sa isang simple at nagsisimula pa lamang na istasyon ang mga soap opera. Isa ang ABS-CBN noon sa mga nagsimula ng mga bagong soap opera na panghapon sa telebisyon. Sumunod sa mga pinasikat na drama noon ay ang Gulong ng Palad at Ana Luna. Ang teleserye ay dalawang salitang pinagsama, ‘tele’ mula sa pinaikling telebisyon at ‘serye’ mula sa salitang ingles na series. Ang bawat serye ay kinapapalooban ng isang story line o kuwento na nakasunod sa nakaraang serye kaya kinakailangang sundan ang bawat serye upang makita ang unti-unting paglalantad ng kabuuan nito. Ang bawat teleserye ay punumpuno ng drama ng buhay na ang pokus ay ang tunggalian ng iba’t ibang salik: pamilya, pag-ibig, personal na relasyon, sex at moralidad. May tamang timpla ang pagkakagawa ng kwento ng mga teleseryeng ito na dahilan kaya naman patok na patok at talagang kinakagat ang mga ito ng maraming Pilpino. Gabi-gabi, araw-araw at hapon-hapon ay nakatutok sa mga telebisyon para manood ng mga palabas na ito. Kadalasan pa nga ay tinitigil ang anumang ginagawa para lang huwag malampasan ang bawat eksenang mangyayari sa

aboritong

programa. Maraming Pilipino ang nahuhumaling sa maraming teleserye kung saan kapag eksaktong oras na ng paboritong programa ay itinitigil na ang mga gawain at nanonood na ng paboritong programa. Ang mga ganitong pangyayari ay maaring maipaliwanag sa pamamagitan ng Marxist lens. Ang mga sikat sa industriya sa paggawa ng teleserye

gaya ng ABS-CBN, GMA at TV5 ang nagmamanipula sa kamalayan ng mga tao. Ang mga teleserye ang nagsisiblbing the ephemeral narcotic na naglilihis o naglalayo sa mga tao sa mga personal na problema at pinapaganda ang pagtingin sa kasalukuyan sa pamamagitan ng pagkaranas ng kaaya-ayang pakiramdam kapag nakakanood nito (Marcuse). Kaya naman imbes na gawin ang mga importanteng bagay ay mas pinipiling manood ng mga teleserye na ginagamit upang makatakas sa realidad. Karamihan din sa mga teleserye ay tungkol sa pag-ibig at karamihan din sa mga bida ay babae. Ang mga kababaihan ay mahilig sa uri ng mga ganitong programa kumpara sa mga lalake. Ang target ng mga ganitong programa ay ang mga babae at marami nga sa mga maybahay ang mahilig sa panonood ng teleserye. Ang mga teleserye ang nagsisilbing libangan habang gumagawa ng mga gawaing bahay kung kaya naman pati sa telebisyon ang mga maybahay ang may control sa mga pinapanood na palabas sapagkat sila ang kadalasang may masasabi patungkol sa mga bagay na may kinalaman sa loob ng bahay.

Tanong 1: Ikaw ay nanonood ng teleserye sapagkat ito ay nakakatulong sa pagbukas ng iyong kaalaman ukol sa iba’t ibang ...